Fernandez de Arcaya Upeltegiak
		+34 948 640 811
	Beste uztaldiko agorrak:

	Viña Perguita gorria
	Viña Perguita ondua, 2000ko uztaldikoa		Fernandez de Arcaya erreserba, 1993ko uztaldikoa

Viña Perguita gorria
Mahats motak: Tenpranillo, Cabernet Sauvignon eta Garnatxa.
Nola egiten den:
Muztioa ohiko huste metodoaren bidez lortzen da; horretarako mahatsa ontzian mantentzen da zortzi-hamazortzi ordutan, nahi dugun mugurdi kolorea lortu arte. Azalak eta haziak apartatu ondoren, muztioak irakin egiten du, beti ere 22-24 ºC azpiko tenperatura kontrolatuan, ardo honen ezaugarri diren fruitu usainak indartzeko. Ontzi-aldaketa batzuk egin ondoren, ardoa erabat dekantatua izango dugu eta botiletan sartzeko prest. Ez da ardo guztia batera botilaratzen, aldi desberdinetan baizik. Horrela, gazte mantenduko da ardoa urte guztian.
Produktuaren deskribapena:
Mugurdi kolore ederra, garbia eta distiratsua. Fruitu usain bizia du, dastamen freskoa, ñabardura askotarikoa eta oso ongi egituratua.
Kontsumoa:
Hobe da urtean berean edatea; eta arrain eta itsaskiekin hartzeko egokia da. Freskoa hartu behar da, eta kortxoa edateko unean kenduko diogu.
Alkohol gradua: %12,5.
Botila: rhin motza.
Tapoia: 45 mm luze eta 24 mm diametroko kortxoa, sutan markatutakoa.
Kapsula: kolore gorri morea eta 29,5 x 50-60 mm-koa.

Viña Perguita ondua, 2000ko uztaldikoa
Mahats motak: Tenpranillo, Cabernet Sauvignon eta Merlot.
Nola egiten den: Mahatsak, bere azal, hazi eta guzti, sei-hamar egun irakiten utziko dugu altzairu herdoilezinezko ontzietan. Irakin ondoren, ardoa ontzitik atera eta ontzi-aldaketa batzuk egingo dizkiogu dekantatzearren.
Ondoren, urte eta urte eta erdi arteko aldian, ondu egingo da ardoa Amerikako eta Frantziako haritzez egindako egurrezko barriketan.
Aholkuak:
Haragiarekin hartzea gomendatuko dizuegu, baina gorputz handiko ardoa denez gero, arrain batzuekin hartzeko ere egokia da.
Kontsumoa:
Upeltegiko tenperaturan hartu behar da; hau da, 18-20 ºC-tan gutxi gorabehera. Ardo ondu hau urte askotan kontserba daiteke.
Alkohol gradua: %12,5.
Botila: bordelekoa.
Tapoia: 45 mm luze eta 24 mm diametroko kortxoa, sutan markatutakoa.
Kapsula: eztainuzkoa, kolore beltzekoa eta 29,5 x 50 mm-koa.

Fernandez de Arcaya erreserba, 1993ko uztaldikoa
Mahats motak: Cabernet Sauvignon (%100).
Nola egiten den:
Ardo hau egiteko, ontze prozesu luzerako egokiak diren mahatsak aukeratuko ditugu. Ondutako ardoarekin egiten dugun moduan, muztioak mahatsaren azal eta haziekin batera irakingo du. Hala ere, erreserbetan iraultze gehiago egingo ditugu, ardoak gorputz eta egitura handiagoa hartu, eta denbora luzeagoan ontzeko aukera izan dezan barrikan. Ontze prozesua barriketan hasi aurretik, askotan aldatu beharko dugu ardoa ontziz.
Ardoa, Amerikako eta Frantziako haritzez egindako barriketan utziko dugu ontzen bi urtetan edo. Aldi horretan ontzi-aldaketak egingo dizkiogu noizbehinka ardoari.
1996ko ekainean botiletan sartutako ardoa. Ordutik botilategietan dago etiketa jarri arte.
Produktuaren deskribapena:
Kolore gorria marroitzen hasia, teila koloreko errainuekin, garbia, distiratsua eta kapa handikoa. Usain fresko eta zabala, haritzak emandako tanino kutsua duena. Erabateko inpresioa ahoratzean, gustu orekatu, biribil eta iraunkorra.
Kontsumoa:
Ardo hau edateko prest dago, baina, urteak pasa ahala, hobetzen joango da.
Alkohol gradua: %12,5.
Botila: bordelekoa.
Tapoia: 49 mm luze eta 24 mm diametroko kortxoa, sutan markatutakoa.
Kapsula: eztainuzkoa, kolore urdinekoa eta 29,5 x 60 mm-koa.

Gure ardoak

Upeltegi

2002 Xabi Elizalde/2007 Fernandez de Arcaya Upeltegiak